Udalbatzaren ohiko osoko bilkura asteartean izango da
Asteartean, hilak 25ean, 18:30ean, udalbatzaren ohiko osoko bilkura izango da.
Saioa publikoari irekia izango da, publikotasuna bermatze aldera, eta streaming bidez ere jarraitzeko aukera egongo da esteka honetan: https://staging.errenteria.cloud/udalbatza/
Hau da saioaren gai zerrenda:
1. 2025eko urtarrilaren 28an ohiko bilkurari dagokion akta irakurri, eta egoki bada, onartzea.
2. Ondorengo ebazpenen berri ematea: Alkatetzarenak eta Zinegotzi-ordezkarienak, 203tik 510 zk.ra (biak barne), eta Tokiko Gobernu Batzordearenak.
3. Berri ematea: 2024ko 4ngo hiruhila, Udalaren eta menpeko entitateen aurrekontuaren exekuzioa eta OBBE.
4. Proposamena: 2025eko Ordenantza Fiskalak. 2. aldaketa.
5. Proposamena: kredituak judizioz kanpo aitortzea.
6. Proposamena: Errenteria eta Lezoko udalerriko Bake Epaitegien elkartea sortzea.
7. Proposamena: Errenteriako Udaleko udal-langileen lan-baldintzak arautzen dituen Akordioaren (Udalhitz 2023 – 2025) aldaketa.
8. Proposamena: saneamendu-sareen mugaketaren ondorioz Añarbeko Urak, S.A.-k (AUSA) Errenteriako udalari entregatzea onartzea beharreko azpiegitura.
9. Proposamena: saneamendu-sareen mugaketaren ondorioz Añarbe Mankomunitateak Errenteriako udalari entregatzea onartzea beharreko azpiegiturak.
10. Proposamena: ostatu erabilera batzuen lizentziak etetea Hiri Antolamenduko Plan Orokorraren Errebisioaren espedientean.
11. Euskal Sozialistak Taldeak aurkeztutako interpelazioa, Errenteriako Udalak urtarrilaren 27ko GGLAren ezohiko batzarrean izan zuen jarrerari buruzkoa.
12. Galdera-eskariak.
