Next Generation funtsaren eta BEEP-aren informazioa

Europako Kontseiluak, COVID-19aren pandemiak sortutako egoera ekonomikoaren ondorioz, NEXT Generation EU plana sortu zuen 2020ko uztailaren 21ean. 750. 000 milioi euro itzuli beharrik gabeko dirulaguntzetara bideratzea onartu zuen Kontseiluak. Diru kopuru horren helburua zen Europako Batasunaren barrena pandemiaren ondorioz sortutako kalte ekonomiko eta sozialak arintzea.
Diru laguntza horien banaketa Europako Batasuneko estatuen bidez egin zen, eta Espainiari 140.000 milioi euro egokitu zizkioten 2026ra arte. Trasnferentzia eta mailegu gisa jasoko duen kopuru ekonomikoa hobeto koordinatzeko, Berreskuratze, Eraldatze eta Erresilientziaren Plana  (PRTR) sortu zen estatuan.
Plana zeharkako lau ardatzen gainean egin da: trantsizio ekologikoa, transformazio digitala, lurralde- eta gizarte-kohesioa, eta genero-berdintasuna. Horiek guztiak kontuan hartu behar dira politika guztiak diseinatzeko orduan. Lau horiek gauzatzeko 10 palanka-politika eta 31 osagai definitu dira. Hain zuzen ere, horiek dira NEXT Generation EU programaren dirulaguntzak emateko irizpideak ezartzeko erabili diren errefentziak.
Next Generation dirulaguntzen baldintzen artean zenbait betebehar zituzten erakunde jasotzaileek. Hala nola, iruzurraren aurkako plan baten idazketa eta dirulaguntzaren kontrolerako mahai teknikoaren sorrera.

Iruzurraren aurkako plana

Iruzurraren aurkako Plan honen xedea da SEEPen finantza-baliabideetan erabilera okerra edo iruzurra saihesteko hartu behar diren ekintza nagusiak definitzea, prebentzioa, detekzioa eta neurri zuzentzaileak direla medio, Europar Batasunetik datozen finantza-baliabideak xahutu ez daitezen eta esleituta dituzten helburu garrantzitsuak bete ditzaten. Hala ere, beste edozein iturritatik datorren finantzaketa-aplikazioa kontrolatzeko ere erabili ahal izango da.

Errenteriako Udalak onartutako plana hau da.

Mahai teknikoa

Errenteriako Udalean iruzurraren aurkako neurriak behar bezala aplikatzen direla bermatzeko, bertako langileek osatutako mahai tekniko bat eratuko da. Honen inguruko xehetasunak planaren 7. puntuan aurkitu daitezeke.
Honako hauek osatuko dute mahaia: Udaleko idazkari nagusiak edo hark eskuordetutako pertsonak (mahaiko idazkari gisa jardungo du), udaleko kontu-hartzaileak edo hark eskuordetutako pertsonak, kontratazio teknikariak, eta, hala badagokio, NextGeneration laguntzak kudeatzen dituzten teknikariek.
Mahai Teknikoaren eginkizunak hauek dira:

• Iruzur-arriskua aldizka ebaluatzea (bandera gorriei arreta berezia jarriz), balizko iruzurrak prebenitu eta hautemateko aukera emango duen barne-kontrol eraginkorra dagoela ziurtatuta.
• Iruzurraren aurkako politika zehaztea, eta behar diren neurriak diseinatzea, iruzur-saiakerak prebenitu, detektatu eta zuzentzeko.
• Interes-gatazkak kontrolatzea/ikertzea eta iruzur-saiakerak jazartzea, neurri egokiak hartuta, edo, hala badagokio, organo eskudunari neurri egokiak hartzea proposatuta.
• Alkate-udalburuari lortutako ondorioen berri ematea, eta, hala dagokionean, baita aplikatutako edo organo eskudunari hark aplika ditzan proposatutako neurri zuzentzaileen berri ematea ere.
• Egindako laginketen, antzemandako gorabeheren eta hasitako nahiz ebatzitako informazio-espedienteen erregistroa edukitzea.
• Plana eguneratzeari eta aldatzeari buruz 8. atalean aurreikusitako eginkizunak.

Errenteriako Udala beheko proiektuak gauzatzen ari da programa honen languntzaz